كندوسنك ايلچيلرى لمطان شاه و محمد بدخشىيى ختايه كيدر بر كروه ايله معا ارسال ايدوب ميرزا سيورغتمشك « 1 » ايلچيسى ارغداق و شاه ملكك « 2 » ايلچيسى اردوان و شاه نام ناخلف طرفندز شهيد ايدلدى . فضلا و هنروران رور كاردن ايدى . سمرقندده دنياده نظيرى آز بولنور بر مدرسهء عاليه بنا ايتمشدركه آندن ظهور ايدن علما و رياضيون بيحد و پاياندر . قاضىزادهء رومى و غياث الدين جمشيد كبى متبحرين فضلايه ترصد كواكب افلاك ايچون بنا ايتديرديكى رصدخانه نوادر زمين و زماندن ايدى . مشهور جهان اولان - - زيج الغ بك - بو هنرور ذاته منسوبدر . شعر آبدار انشاد ايدردى . بو بيت فارسى شهزادهء مشار اليهك زادهء كمالاتيدر . هرچند ملك حسن به زير نكين تست * شوخى مكن كه چشم بدان در كمين تست

--> ( 1 ) ميرزا سيورغتمش - شاهرخ سلطانك مخاديمندندر . پدرى منشوريله غزنه و هندده والى ايكن سكز يوز اوتوز سنه سنده پدرى زماننده اوتوز ياشنده مقر حكومتى اولان كابل شهرنده وفات ايتمشدر . وقاثندن صكره شاهرخ سلطانك امريله يرينه مخدومى ميرزا مسعود تعيين اولنمشدر . ( 2 ) شاه ملك - تيمور لنك اعظم امراسندن اولوب حسن خدماتنه بناء بر موقع ممتاز و مستثنايى حائز ايدى . كرك تيمور و كرك شاهرخ زمانلرنده خوارزم حكومتنده بولنيوردى . بو ذات دخى ختاى سيحتنه ايلچيسى اردوانى ترفيق ايلمشدر خيرات و مبراتى كثير ايدى . خوارزم امارتى عهده سنده اولديغى حالده 829 سنه سنده وفات ايلدى - رحمة اللّه عليه سنه 829 - تاويخ ارتحاليدر . مشهده نقل و دفن اولمشدر .